الطفل اللى طاير فوق فـ الصور ده إسمه ( وليام لورنس ) ..
أمريكى عنده سنة واحدة بس .. عنده 5 أخوات .. وليام مولود بـ متلازمة داون ( طفل منغولى ) ..
الدكاترة قالوا إن نسبة شفاءه مستحيلة و إن فيه واحد من كل مـليون مصاب بمتلازمة داون مستحيل يخف و حالة ( وليام )
هى الحالة دي وماينفعش معاه العلاج اللى اكتشفوه فـ 2013 و من خلاله بيوقفوا نشاط الكروموسوم الزائد اللى بيسبب المرض ..
أبوه ( آلان لورنس ) حب يخلى ( وليام ) مميز عن باقى أخواته عشان الولد ميطلعش عنده عقدة إنه أقل منهم بسبب إعاقته .. إستخدم أبوه مهارته فـ الفوتوشوب و بقى يركب صور لـ ( وليام ) و هو طاير فوق أخواته فـ أماكن مختلفة .. الصور طلعت شكلها حلو و تحفة و فرقت فـ الحالة النفسية للطفل جداً ..
الأب بيقول فـ حوار مع واشنطن بوست ( انا أب و هو لن يُشفى أعلم ذلك ، إذن لماذا لا أجعله يقتنص لحظة فرحة و يشعر أنه مميز حتى و لو بـ صورة يشعر عندما يكبر و يراها إلى أى حد هو مميز )
رغم كل الظروف أو المشاكل و الله ما حد هيحبك ولا هيخاف عليك و ع مشاعرك قد أبوك وأمك حتى لو كل الناس قالوا إن مفيش أمل فيك .. أصل أى حد ممكن يبقى أب بس مش أى حد ممكن يبقى أب بجد :))
... منقول
